Wiley

English version

1. Generell oversikt over avtalen

Utgivar
Wiley 
 

Type avtale
Publiser og les

Avtaleperiode
1.1.2023 - 31.12.2024

Avtalen vart reforhandla som toårig avtale i 2023. Sjå nyheitssak.

Deltakarar i avtalen

Deltakarliste for inneverande år 

Tittellister

Tittelliste Wiley hybrid 2024

Lisens

Administratorar ved deltakarinstitusjonane finn lisens i ConsortiaManager (Edvarda).

2. Publisering gjennom avtalen 

Avtalen gir uavgrensa publisering i forlaget sine hybridtidsskrift. Den omfattar artiklar med korresponderande forfattar som har tilknyting til ein av institusjonane som er med på Sikt sin konsortieavtale. For hybridtidsskrift er det datoen artikkelen aksepterast for publisering som vil gjelde for når den blir fanga opp av avtalen.   

Korleis gå fram for å publisere 

• Arbeidsflyt for forskaren (video) 
• Open access agreement for Norwegian institutions (nettside) 

CC-lisensar  

Avtalen tillèt publisering med to forskjellige typar delingslisensar frå Creative Commons (CC): CC-BY og CC-BY-NC-ND. Plan S set krav om bruk av lisens både ved publisering i tilgangsopne tidsskrift og ved deponering i eit vitenarkiv. Her godtar Plan S berre ein CC-lisens. 

Korresponderande forfattarar 

«Norsk korresponderande forfattar» betyr at vedkomande er tilsett ved ein av deltakarinstitusjonane i avtalen. 

Korresponderande forfattar (corresponding author) er vanlegvis forfattaren som bidrar med hovudtyngda av den intellektuelle innsatsen og som har ansvar for å følgje artikkelen fram til ferdig produkt. Vedkomande er ansvarleg for manuskriptkorreksjon, korrekturlesing, korrespondanse med forlag, handsaming av revisjonane og innlevering av reviderte manuskript fram til godkjenning. 

Korresponderande forfattar melder inn denne rolla når hen registrerer artikkelen hos Wiley. Vedkomande vil bli godkjend når hen oppgjer ein av deltakarinstitusjonane som arbeidsstad. 

Tidsskrift frå akademiske foreiningar 

Wiley administrerer ein del titlar frå akademiske/lærde foreiningar (learned societies). Desse foreiningane eig tidsskrifta sine sjølve, og enkelte slike tidsskrift er inkludert i (blir tilbydd med) lesetilgang gjennom Wiley-pakka. Dei kan altså lesast av alle deltakarinstitusjonar. Dei lærde foreiningane sine tidsskrift er i stor grad opne for at norske forskarar kan publisere med open tilgang. 

Eigenarkivering 

Artiklar som er publisert ope via avtalen med ein CC-lisens kan delast fritt. Forlaget sin PDF kan lastast opp i Cristin og i institusjonelle arkiv. 

Kva med norske forskarar som ikkje er knytt til ein deltakarinstitusjon? 

Generelt er det inga endring for forskarar som ikkje er knytt til ein deltakarinstitusjon: 

Forskarar utanfor avtalen har ikkje lesetilgang til tidsskriftpakken frå Wiley, men biblioteket kan abonnere på enkelttitlar hos forlaget. I mange høve må forskaren kjøpe enkeltartiklar eller få tilgang til artiklar via eit større bibliotek som er knytt til avtalen. 

Alle norske forskarar har høve til å publisere i alle Wiley sine tidsskrift. Er forskaren ikkje knytt til ein deltakarinstitusjon (eller tidsskriftet ikkje er blant dei som er omfatta av avtalen) vil det krevjast publiseringsavgift. 

Plan S-kompatibilitet 

Dagens avtale er ikkje kompatibel med Plan S ved at Wiley med avtalen har konvertert tidsskrifta sine til full open tilgang for alle. Wiley har likevel sagt at dei meiner å oppfylle intensjonane i Plan S, og Sikt ser på avtalen som ein overgangsavtale mot dette målet. Avtalen vil gi gode datagrunnlag til å evaluere og planleggje framtidige ordningar av denne typen. 

Wileys informasjon om avtalen

Open access agreement for authors at eligible Norwegian institutions

3. Lesetilgang i avtalen 

Avtalen gir lesetilgang til forlagets Full Collection. Tilgangen er til 2023-tidsskriftlista og med årleg oppgradering.

4. Wiley Open (gull-avtale)

Dette er ein tilleggsavtale til den gjeldande publiser og les-avtalen med Wiley, som vil gi ein rabatt på APC ved publisering i gulltidsskrifta. Tilleggsavtalen er ein såkalla "opt-in"-avtale, dvs. at den einskilde institusjonen som er med på hovudavtalen kan velgje om ein ønsker å bli med på tilleggsavtalen.

Tilleggsavtalen inneber at ein får en rabatt på 15 % på APC ved publisering i forlaget sine gulltidsskrift. Dette inkluderer Hindawi-tidsskrift. Dette føreset sentral fakturering av APC til den einskilde institusjonen. Fakturering vil bli kvar månad etterskotsvis, og sendast direkte frå forlaget til institusjonen. 

For institusjonane som blir med på denne tilleggsavtalen, vil artiklane i gulltidsskrifta kome inn i den same arbeidsflyten som hybridartiklane og godkjennast i det same 'dashboard'-systemet til Wiley. Det vil vere to konti i dashboard; ein for hybrid og ein for gull-godkjenning. 

Fakturering vil vere direkte frå forlaget.

Deltakarinstitusjonar: Deltakarliste Wiley Open 2024

Tittelliste: Browse Fully Open Access Journals | Wiley

Kontakt

For forskarar: Det er den einskilde institusjonen sitt bibliotek som administrerer avtalane. Kontakt biblioteket ditt viss du har spørsmål.

For forskingsadministratorar: Meir informasjon (prisar, lisensar osv.) finn du i ConsortiaManager (Edvarda) eller ved å kontakte Sikt.