Norskspråklege opne tidsskrift innanfor humaniora og samfunnsvitskap
Frå 2027 blir den nasjonale støtteordninga for opne norskspråklege tidsskrift i humaniora og samfunnsvitskap utvida for å sikre gode norskspråklege diamanttidsskrift og norsk som fagspråk på fleire fagområde. Meir informasjon hos HK-dir: Støtteordning for opne norskspråklege tidsskrift - utlysing for 2027–2030 |
Perioden 2024-2026
42 tidsskrift fekk støtte i perioden frå 2024 til og med 2026.
Sjå informasjon og liste over tidsskrifta som har støtte på nettstaden til HK-dir: Norskspråklege opne tidsskrift innanfor humaniora og samfunnsvitskap
Støtta er treårig og lauper frå 2024. Alle som oppfylte kriteria som er beskrivne i Retningsliner for nasjonalt tidsskriftskonsortium for humaniora og samfunnsvitskap kunne melde interesse for å delta.
Sentrale retningsliner
- Retningsliner for nasjonalt tidsskriftkonsortium for humaniora og samfunnsvitskap 2024-26
- Mandat for publiseringskomitéen 2024-26
Ordninga er forankra i Meld. St. 25 (2016–2017) Humaniora i Norge, som mellom anna skriv dette:
Åpen tilgang til nasjonale tidsskrifter av høy kvalitet vil bidra til at en betydelig del av norskspråklig forskning blir umiddelbart tilgjengelig for relevante brukergrupper både innenfor og utenfor akademia, for eksempel i skoleverket, arkiver, biblioteker, museer, i helsevesenet, i kommunal og statlig forvalting og i næringslivet.
[...]
Publisering på norsk i humanistiske og samfunnsvitenskapelige tidsskrifter er […] viktig bl.a. for kompetanseheving, livslang læring, opplyst offentlig samtale og av språkpolitiske grunner.
Det er viktig å få kartlagt del av vitskapelege artiklar på norsk/skandinavisk i det einskilde tidsskriftet. Tidsskriftet skal i hovudsak publisere på norsk (eller eit anna skandinavisk språk), og redaksjonen skal ha ei tydeleg tilknyting til norsk fagmiljø.
Det er eit krav at tidsskriftet må publisere med open tilgang og vere indeksert i Directory of Open Access Journals (DOAJ). For tidsskrift som ønsker å vende modell frå abonnement til open publisering må kopi av søknad om å bli inkludert i DOAJ ettersendast. Den må vere mottatt HK-dir før første utbetaling av tilskot kan finne stad.
Tidsskriftet har ansvar for at innhaldet i publikasjonen fritt kan lesast, søkast i og distribuerast til ikkje-kommersiell bruk i samsvar med retningslinene for tidsskriftkonsortiet.
Publiseringskomitéen
Ein fagleg publiseringskomité var sentral i arbeidet med å velgje ut tidsskrifta som skal inngå i ordninga frå 2024. Utveljinga vart tatt på grunnlag av dei innsendte søknadene frå utgivarar/tidsskrifteigar.
Publiseringskomitéen tok avgjersler på fagleg grunnlag, retningslinene for tidsskriftkonsortiet samt eit eige mandat. Dei hadde også ha høve til å søke råd hos dei nasjonale fagorgana.
I tillegg til dei oppgitte kriteria vart tidsskrifta vurderte ut frå det totale talet på søkarar, ei rimeleg fordeling mellom samfunnsvitskap og humaniora samt dei ulike fagfelta.
Meir informasjon
Kontakt HK-dir sitt sekretariat for humsam-tidsskrift.
Ordninga har vore verksam sidan 2017. For informasjon om ordninga frå starten, sjå Norskspråklige åpne tidsskrift innenfor humaniora og samfunnsvitenskap 01.01.2021-31.12.2023