OA2020 og ESAC blir OA Forward

OA Forward bygger vidare på arbeidet til initiativa OA2020 og ESAC. Det er forankra hos tyske DEAL Open Access Services (DEAS) og blir støtta av bidragsytarar frå fem kontinent. OA Forward speglar eit  internasjonalt samarbeid mellom bibliotek, konsortium, finansiørar og forskingsinstitusjonar som arbeider for ei meir open, rettferdig og transparent vitskapleg publisering.

Initiativet bygger på fellesskapet knytt til avtalar om open tilgang og tilhøyrande infrastruktur, samstundes som det utvidar omfanget sitt for å støtte felles strategiar, sterkare samordning, og fellesskapsstyrte tilnærmingar på tvers av landskapet for vitskapleg kommunikasjon. 

Ei eiga nettside for OA Forward vil bli lansert i løpet av dei komande månadene. I mellomtida vil ressursar og aktivitetar frå OA2020 og ESAC framleis vere tilgjengelege gjennom dei eksisterande plattformene deira.

Sjå pressemelding (08.04.26): International partners launch OA Forward to strengthen Open Access negotiations and advance open scholarly communication